Wednesday, May 1, 2013

Pal pal badalte vichar


pal pal badalte vichar 

dekho kya tasveer banate hai
ki kalpana se bane rang 
sare usme nazar aate hai



ye dil ki dhadkan bhi
suno kya raag sunati hai
pal pal ghat rha h jo
uska hme ehsas karati hai



ye man bhi hamara yu
kam vichlit nahi karta hai
jis pal na karna ho jo
usi taraf ye jhuk jata hai



naino se bhi to jan lo
unka kaisa haal hai
dekh sunderta is jag ki
inki chamak yu bahal hai



kaise bayan karu shabdo mai
ki kya nazara is paar hai
samajh lijiye hai ek aasma
jis se jhadti khushiyon ki fuhar hai



vicharo ki is duniya mai
swapn se sab ho jate hai
is rang birangi duniya mai
sab aise hi jagmagate hai



pal pal badalte vichar 
dekho kya tasveer banate hai
ki kalpana se bane rang 
sare usme nazar aate hai

No comments:

Post a Comment